Hafenrundfahrt der SelbA Gruppe Linz Stadtpfarre Urfahr/St. Josef
![SelbA Gruppe Linz-Stadtpfarre Urfahr / Maria Lexow Hafenrundfahrt mit Gedicht](/img/f2/ad/63188f9300c767e2eece/SelbA_Gruppe_Linz-Stadtpfarre_Urfahr-abschlussbild_2024.jpg)
I geh jetzt in SelbA - die Rundn is klass,
mia ergänzn uns imma, wann's ane ned was.
Die greßte Freid macht ma die Gemeinschaft und nur des zöht,
in unsam Alter findst nimmer so leicht neiche Leit mit des di vastehst.
D'Regina steht ganz ob'n auf da List'n,
sie sagt imma, ma kann ned ois wiss`n,
lass da Zeit und denk nach, wanns da wirkli ned einfallt
i sag das danach.
D'Renate in ihra ruhigen Art
hot ma da glatt nu amal s''oamgehen daspart.
I hab a paar mal mei Brilln vagessen,
und sie hat mi jed's Mal aussa grissn.
Maria zu meiner link'n Seit'n,
tuat mi öfter zu SELBA begleit'n.
Oiwei wann bei mir d'Pumpn wieder spinnt,
ruaf I sie an und sie holt mi nu gschwind.
D'Elfriede und i, mia ruafn uns zaum,
ob ma eh d'Aufgab richtig ham.
Besonders beliebt san bei mir die Rechnungen Punkt vor Strich,
oder gar der Punkt vor der Klamma.
I bin schau vor 70 Jahr von der Schui aussa kumma,
i hab des nia gelernt, des is mei Dilemma.
I blick da ned richti durch,
und wann i ganz ehrli bin, heid is ma schau wurscht.
D'Elfriede hat ma guat zugredt,
die Aufgabn werd'n net lang a so bleiben,
lass die do deswegen ned von SelbA vertreiben.
Rechts von mir sitzt Teresa,
sie ist a mit von der Partie,
owa viel genaua als i.
Die nimmt zan Wörtasuachn für'n Strich s’Lineal,
sei Geradlinigkeit war mir „bis jetzt“ völlig egal.
Trotzdem san ma fast immer auf'n söb'n Nenna kemma,
es hed uns da Wind ned schena zamwachl'n kenna.
Oans sag i eich heid und jetzt: I muas zwar min Herrgott nu a Wörtl redn,
owa mit sein okay, is des bestimmt ned mei letzta SelbA-Kurs gwen.
Susanne Neubauer
Teilnehmerin der SelbA Gruppe Linz-Stadtpfarre Urfahr